PANIBAGONG YUGTO NG PAGHIHINTAY

2005-05-13T14:49:00.000+08:00

Tapos na ang panahon natin ng pag-aaral. Tapos na rin ang paghihintay natin na makuha ang ating diploma. Tapos na ang panahon ng pagbibigay ng baon/allowance sa tin ng mga magulang natin. Tapos na rin ang maraming panahon ng pakikipagtalo natin sa kanila para taasan / dagdagan nila ang binibigay nila sa ting pera para naman may pang-gimik tayo or pang-shopping or pang-Ragnarok or pang-internet-surfing or pang-load ng cellphone.. Magkagayun man, hindi pa rin tapos ang ating paghihintay..

Marami-raming panahon pa ang kelangang gugulin natin sa paghahanap ng trabaho lalo na kung ikaw ay "one of the common people", that is hindi genius pero mas lalong hindi idiot. Mahabang paghihintay rin ang kelangan mong pagtyagaang gawin at mga oras na kelangan mong sayangin para makuha mo ang Transcript of Records (TOR) mo mula sa Registrar's Office ng dating skul mo. Kelangang pumila ka ng sobra-sobrang haba para makakuha ng NBI Clearance na kadalasang hinahanap ng mga private companies sa mga applicants nila (hindi na kasi ga'nong uubra ang School ID mo dahil nga graduate ka na). Mas lalo tayong magdurusa kung wala pa tayong naitatabing Birth Certificate or kung wala pa rin tayong NBI Cleafrance dahil sila ang mga pangunahing requirements para sa pagkuha ng Social Security Number na magsisilbing National Identification Number mo in case of emergency (tulad ng nangyari sa movie Deep Impact).

Sa Manila City Hall, nagsimula akong pumila nung 8:30 AM para sa isang "certified photocopy" ng Birth Certificate ko. Inabot ako ng lunch-break sa pila (11:30 AM) at pinabalik ng 2:00 PM, kaya ganun naman ang ginawa ko. Pero ang nangyari, naging 4:07 PM ang dapat na alas dos ng hapon, kasi masyado "raw" maraming tao. Hindi na rin ako maka-angal nun dahil marami nga naman talagang tao. At ngayon, wala pa rin akong mapasukang big-time job interview dahil hindi pa ipinapanganak ang pinaka-mamahal kong TOR.

       "Kahit True Copy of Grades (TCG) na lang muna ang ipakita mo sa min miss pagbalik mo dito," sabi nung isang HR Person sa isang medyo big-time private company.
       Dahil sa excited ako, sugod naman ako pabalik sa skul para makakuha kahit TCG lang.
       "Sori, miss! Hindi na kami nag-iissue ng TCG sa mga naka-graduate na. Dagdag trabaho lang po kasi sa min yun e. Pwede nyo naman pong hintayin na lang yung TOR nyo, di ba?" sabi sa Registrar's Office.
       "Kelan po ba lalabas yun TOR namin, ma'am?" tanong ko naman.
       "Sa July pa po or September," sagot nya. "Inuuna pa po kasi namin yung mga nagba-Bar e, pati yung mga magse-second course."

O di ba ang galing! Buti na lang at umattend ako nung graduation ceremony namin.. kundi, pati diploma ko e hihintayin kong maipanganak ng university ko. Ngayon, hindi ako makabalik-balik sa pinag-aaplyan kong yun at hindi pa rin ako makapag-apply sa iba dahil nga wala pa akong TOR or kahit TCG man lang. Pero kahit ganon, mahal ko pa rin ang Pamantasan kasi kundi dahil sa kanya e hindi ako mapapabilang sa mga hanay ng mga mamamayang Filipino na nakapag tapos ng pag-aaral. Ang medyo talagang ikinasasama ko ng loob ay dahil hindi ako makapag-apply sa mga kumpanyang gusto kong pasukan dahil sa mabagal na sistema ng mahal kong Pamantasan..

Kelangan ko pa ring maghintay, dahil yun lang sa palagay ko ang pwedeng ko magawa.. Wala naman akong super powers para pabilisin ang takbo ng mga bagay-bagay e..

ENROLLMENT at GRADUATION

2005-04-23T16:25:00.000+08:00

..

YYYYYYYEEEEEESSSSSS!!!!!!! GRADUATE NA KO NG COLLEGE NUNG April 22, 2005 (last Friday)!!!!!!! Hay! Ang bilis talagaaaa!!! Prang kelan lang e isa pa ko sa mga libu-libong kabataang umaangal dahil npaka tagal ng proseso sa enrollment, tas ngayon fully pledged college grad na ko! Bilis talaga! Kaya lng, kung anong ibinagal ng enrollment twing bago mag pasukan e doble pa ata ang ikinatagal ng graduation ceremony kahapon (or baka msyado lng akong exagge).

-------------------------------------------------------
Sobrang bagal ng enrollment process ng skul natin, halos isang araw din ang itinatagal. Minsan higit pa! Pag minalas kang lalo, hindi ka pa patatapusin ng pag eenrol at pababalik-balikin ka pa ng ilang araw bago ma-accomplish ng mga "responsableng" opesina ang mga requirements na mag sasabi kung qualified kang ma-enrol. Galing 'no! Uso rin pala sa skul natin yon! Kala ko sa ibang government agency lang nangyayari ang ganun! Kun sa bagay, ano pa ba'ng maaasahan natin sa isang public skul? Ilang beses na ring napag eexperementuhan ng PLM Admin ang batch natin pag dating sa mga enrollment processes nilang pabago-bago. At sa kasamaang palad, kahit ano pang gawin nilang "pagbabago" rito e lalo lang tumatagal ang lahat. Nasubukan na sa 'tin ng PLM Admin ang "one-stop-shop" nang pagkasyahin nila lahat ng colleges sa PLM Gym. Hindi ko lubos akalain na mararanas ko sa PLM College Enrollment day ang nararanasan ng mga deboto twing Pista ng Nazareno sa Quiapo. Imaginin mo na lang ang malalanghap mong pinag halu-halong amoy ng pabangong masakit sa ilong, nalumang fabric conditioner, bad breath, dighay ng may bad breath, pawis, putok, utot, at ebak habang nakikipag siksikan ka sa libu-libong estudyanteng katulad mo e gusto ring mabilis na makatapos ng enrollment ng araw na yon. Nung 1st and 2nd year, kelangang makipag-unahan ka pa sa mga estudyante sa pagpili ng P.E. sports mo kung ayaw mong mapunta sa pinaka-panget na skedyul ng pinaka-panget na "laro". Super tulakan pa yan! Pag malapit-lapit ka na sa table ng assistant o sa sinasabing unahan ng pila, mararamdaman mo na lang na tinutulak (hinahatak) ka na ng mga nasa likod mo pabalik sa hulihan ng pila. OK!! BALIK SA ORIGINAL PWESTO SA LIKOD NG LINE!! Nasubukan na rin ng PLM Admin sa 'tin ang "waiting interviewee" style. Ipipila mo muna ang application form mo bago isa-isa kayong tatawagin. Take note: nasa thousand kayong tatawagin ng araw ding yon. E pano pag inabot ka pa ng lunch break? Kelangang maghintay ka ng dalawang oras o higit pa (which is madalas namang mangayari sa kin) bago matawag ang pangalan mo. Ang nakaka-inis pa, minsan hindi pa pala ikaw yung tinatawag, kapangalan mo lang (na madalas ring mangyari sa kin). Third year second sem lang ata ako hindi nahirapan sa pag-eenrol. "Hay! Sandaling panahon na lang ga-graduate na ko.. Onting intayan na lang ang gagawin ko.. Konting tiis na laaaaaaaannnnnngggggg!"

-------------------------------------------------------
At yun na nga! GRADUATION DAY NA! Ayos! Akala ko, hindi na kelangang mamuti'ng mga mata ko'ng kakaintay. PERO IBA'NG NANGYARI. Sabi sa CME office, mabilis lang "daw" ang seremonya. Madali lang "daw" kaming tatawagin para matanggap ang deplomang apat na taon din naming pinaghirapang makamtan. Sabi pa, 4:30 "daw" ang simula at 9pm naman "daw" ang tapos ng graduation ceremony. PERO IBA'NG NANGYARI.. Isang oras na-late ang seremonya.. Nantutcha!! Tinubuan na ko ng ugat sa kina-uupuan ko nung gabing yon! Alam kong hindi lang college natin ang ga-graduate nun, pero sinong hindi maiinip dun? Halos maubusan na nga ng kwento kaming mga katabi ko e, hindi pa rin tapos ang speech ng mga guest-speakers! To tell you the truth, natalo ng pagka-inip ko ang kagustuhan kong makinig sa kung anu-ano mang mga sinasabi nung mga guest-speakers kaya ni isang ideya sa mga tinalakay nila e wala 'kong nakuha. Ang alam ko lang e may mga nabanggit sila tungkol sa gera na naganap nung bata pa ang Pilipinas at tungkol ke Jose Rizal, pero bukod dun e wala na kong naintindihan. BADTRIP TALAGA!! Ganda ng araw ko dahil graduation na, tas inip lang ang inabot ko! Ok sanang maghintay kung may award kang matatanggap bukod sa diplomang ipinirint sa ordinaryong bond paper, e pa'no kung "one-of-the-common-people" kang tulad ko na walang special award?? MAMATAY KANG DILAT ANG MATA SA KINAUUPUAN MO DAHIL SA INIP AT GUTOM!! Pagkatapos ng lahat ng iyan, kelangan pa nating balik-balikan ng libu-libong beses ang mga TOR (transcript of records) at kung anu-ano pang requirements na kekelanganin natin sa pag-aapply ng trabaho. O di ba? HINDI PA TALAGA TAPOS ANG KALBARYONG DALA SA 'TIN NG PINAKAMAMAHAL NATING PAMANTASAN!!!

-------------------------------------------------------
Anyway, graduates na tayo! Let's all just hope for the best out there. Sana makahanap tayo lahat ng trabaho na talaga namang makapag-bibigay sa 'tin ng sapat na kita para matugunan natin ang lahat ng pangangailangan natin at para makuha natin ang anumang gustuhin natin!!

-------------------------------------------------------
P.S. Para nga pala sa mga wala pang N.B.I. Clearance at SSS Number (madalas na hinahanap yan ng private companies sa mga applicants), HUMANDA NA KAYONG MULING TUBUAN NG UGAT SA KINAUUPUAN NIYO! ..

iTo aY iSaNg SiTe PaRa sA kLaSeNg UbOd NaNg PaSaWay

PANIBAGONG YUGTO NG PAGHIHINTAY

ENROLLMENT at GRADUATION